దేశ‌రాజ‌కీయాల్లో అపార చాణ‌క్యుడిగా పేరు తెచ్చుకున్న ప్ర‌శాంత్ కిషోర్ ఇప్పుడు సౌత్‌లోనూ అద‌ర‌గొడ‌తున్నాడు. ముందుగా నరేంద్ర మోదీని పీఎం పీఠంపై, తర్వాత బీహార్ సీఎం చైర్‌లో నితీష్ కుమార్‌ను కూర్చోబెట్టడంలో ప‌ర్‌ఫెక్ట్ డైరెక్ష‌న్ చేసిన‌ ప్రశాంత్ కిషోర్.. దేశ‌వ్యాప్తంగా స్పెష‌ల్ ఇమేజ్ క్రియేట్ చేసుకున్నాడు. తర్వాత ఉత్తరప్రదేశ్, పంజాబ్ రాష్ట్రాలకు రాజకీయ వ్యూహకర్తగా ప్రశాంత్ కిషోర్‌నే నియమించుకుంది కాంగ్రెస్. పంజాబ్‌లో కాంగ్రెస్ విజయం సాధించినా, యూపీలో ఏ మాత్రం ప్రభావం చూపలేకపోయారు. అయినా ప్రశాంత్ దూకుడు తగ్గలేదనే చెప్పాలి. ఇక ఉత్త‌ర రాజ‌కీయాల నుంచి ఏపీ రాజ‌కీయాల్లోకి వ‌చ్చిన ఈ పీకే ఇప్పుడు వైఎస్ జ‌గ‌న్ వెంట ఉంటూ వైసీపీకి వ్యూహాలు ర‌చిస్తున్నాడు. ఈ ఇద్ద‌రిని సీఎం చేసే స‌త్తా ఆయ‌కుందా? ఏపీలో వైసీపీని అధికారంలోకి తీసుకొచ్చే బాధ్య‌త‌ను పీకే తీసుకున్నాడు. ఆ మేర‌కు వ్యూహాల‌ను అమ‌ల్లో పెట్టేస్తూ ఏపీ రాజ‌కీయాల్లో హాట్ టాపిక్ అవుతున్నాడు. మ‌రోవైపు తమిళనాడులో ప్రధాన ప్రతిపక్షమైన డీఎంకేకు కూడా ఈ రాజ‌కీయ చాణ‌క్యుడు వ్యూహాలు అందించ‌బోతున్న‌ట్టు తాజా స‌మాచారం. ఈ మేరకు ఆ పార్టీ ముఖ్య నాయకులతో చర్చించినట్లు తెలుస్తోంది. దీనిపై తుది నిర్ణయం ఇంకా తీసుకోలేదని ఆయన సన్నిహితుడు ఒకరు తెలిపినట్లు ఓ ఇంగ్ల‌ష్ పత్రికలో వ‌చ్చింది. నిజానికి, 2021లో తమిళనాడులో ఎన్నికలు జరగనున్నాయి. ప్రస్తుత తమిళ రాజకీయాల్లో తనకంటూ ప్రత్యేక గుర్తింపు సంపాదించుకున్న నేత లేకపోవడంతో ఆ లోటును అందిపుచ్చుకోవాలని స్టాలిన్ భావిస్తున్నట్లు తెలుస్తోంది. సీఎం కావాలంటే ఇప్ప‌టి నుంచే ప్ర‌శాంత్ కిషోర్ వంటి వ్యూహ‌క‌ర్త‌ను అందిపుచ్చుకోవాల‌ని స్టాలిన్ అనుకుంటున్న‌ట్టు టాక్. మొత్తానికి ఇటు జ‌గ‌న్‌ను, అటు స్టాలిన్‌ను ముఖ్య‌మంత్రులుగా చేసే వ్యూహ‌ర్త‌గా ప్ర‌శాంత్ కిషోర్ ఎంత‌వ‌ర‌కు స‌క్సెస్ అవుతారన్న‌దే ఇప్పుడు హాట్ టాపిక్.
 
మద్దతు సమీకరణకు వ్యూహం టీఆర్‌ఎస్‌వీలో పెద్దఎత్తున సభ్యత్వ నమోదు మంత్రి కేటీఆర్‌కు బాధ్యతలు: సీఎం నిర్ణయం హైదరాబాద్‌: రాష్ట్రంలో ఉన్నత విద్యను అభ్యసిస్తున్న లక్షలాది మంది విద్యార్థులను పార్టీకి, ప్రభుత్వానికి మద్దతుగా నిలిపేందుకు తెరాస అధినేత, ముఖ్యమంత్రి కేసీఆర్‌ ప్రత్యేక వ్యూహరచన చేస్తున్నారు. విద్యార్థి శక్తిని వినియోగించుకోవడం ద్వారా ప్రభుత్వ, పార్టీ కార్యక్రమాలను ఆయా కుటుంబాలకు కూడా చేరువ చేయవచ్చన్నది గులాబీ దళపతి వ్యూహం. తెలంగాణ రాష్ట్ర సమితికి, ప్రభుత్వానికి మద్దతుగా.. విశ్వవిద్యాలయాలు, ఉన్నత విద్యాసంస్థల్లోని విద్యార్థులను పార్టీ అనుబంధ విభాగమైన టీఆర్‌ఎస్వీలో సభ్యులుగా చేర్చాలని యోచిస్తున్నారు. వారిని పార్టీ, ప్రభుత్వ అభివృద్ధి, సంక్షేమ కార్యక్రమాల్లో భాగస్వాములను చేయాలన్నది తెరాస ప్రణాళికగా కనిపిస్తోంది. వచ్చే ఎన్నికల నాటికి వారిని ప్రబలశక్తిగా మార్చాలని సీఎం సంకల్పించారు. పరిశ్రమల శాఖ మంత్రి కేటీఆర్‌, శాసనమండలి విప్‌ పల్లా రాజేశ్వర్‌రెడ్డిలకు ఈ బాధ్యతలను అప్పగించారు. తెరాస విద్యార్థి విభాగం బలోపేతం: తెలంగాణలోని ఉన్నత విద్యాసంస్థల్లో 30 లక్షల మందికి పైగా విద్యార్థులున్నారు. విద్యాపరంగానే గాక వారిలో సామాజిక చైతన్యం కలిగించడం, పార్టీకి, ప్రభుత్వానికి అనుసంధానం చేయాలనే లక్ష్యాలను అమలు చేయాలని కేసీఆర్‌ భావిస్తున్నట్లు తెలిసింది. దీనికోసం తెరాస విద్యార్థి విభాగాన్ని బలోపేతం చేశారు. 132 మందితో పార్టీ రాష్ట్ర కమిటీని నియమించారు. పార్టీకి, ప్రభుత్వానికి అనుకూలంగా విద్యార్థులను మార్చేందుకు వీలుగా ప్రత్యేక కార్యాచరణను రూపొందించారు. మంత్రి కేటీఆర్‌, విప్‌ పల్లా రాజేశ్వర్‌రెడ్డితో సీఎం కేసీఆర్‌ సుదీర్ఘ మంతనాలు జరిపి కార్యాచరణను ఖరారు చేశారు. విద్యార్థులను సమీకరిస్తే వారి కుటుంబాలు సైతం పార్టీకి అనుకూలంగా మారతాయని, గ్రామాలు, పట్టణాల్లోనూ ప్రభుత్వానికి అన్ని విధాల అనుకూలతలు ఉంటాయని కేసీఆర్‌ భావిస్తున్నట్లు తెలిసింది. ఏం చేస్తారు * ప్రతి విశ్వవిద్యాలయం, ఉన్నత విద్యాసంస్థలో తెరాస విద్యార్థి విభాగం ద్వారా పెద్దఎత్తున సభ్యత్వ నమోదు చేపడతారు.టీఆర్‌ఎస్వీ ప్రతినిధులు దీనిని నిర్వహిస్తారు. * అనంతరం విశ్వవిద్యాలయాల వారీగా సమావేశాలు జరిపి, స్థానిక కమిటీలను నియమిస్తారు. * తర్వాత నియోజకవర్గ స్థాయిలో ఎమ్మెల్యేలు, పార్టీ బాధ్యుల అధ్యక్షతన సమావేశాలు జరిపి, విద్యార్థులకు దిశానిర్దేశం చేస్తారు. అనంతరం జిల్లా స్థాయిలో, తర్వాత రాష్ట్ర స్థాయిలో సమ్మేళనాలు నిర్వహిస్తారు. * నియోజకవర్గ, జిల్లా స్థాయి సమావేశాలకు కేటీఆర్‌ హాజరవుతారు. పల్లా రాజేశ్వర్‌రెడ్డి సమావేశాల నిర్వహణ, సమన్వయ బాధ్యతలు చేపడతారు. కేసీఆర్‌ సైతం..: వారంరోజుల్లో ఈ ప్రణాళికను ప్రారంభిస్తారు. ముఖ్యమంత్రి కేసీఆర్‌ సైతం విద్యార్థుల ముఖాముఖిలో పాల్గొనే అవకాశం ఉంది. తమ కార్యాచరణకు అనుగుణంగా పార్టీ శ్రేణులను సైతం కేసీఆర్‌ అప్రమత్తం చేయనున్నారని తెలిసింది.
 
న్యూ ఇండియాలో ఏవో పోస్టులు… డిగ్రీ అభ్యర్థులకు తీపి కబురు తెలిపింది న్యూ ఇండియా అస్యూరెన్స్ కంపెనీ…తమ కంపెనీ లో ఖాళీగా ఉన్న 300 ఏవో పోస్టులకు నోటిఫికేషన్ విడుదల చేసింది.. స్కేల్1 ఆఫీసర్ విభాగంలో ఖాళీగా ఉన్న అడ్మినిస్ట్రేటివ్ ఆఫీసర్ (జనరలిస్ట్) పోస్టుల భర్తీకి ఈ నోటిఫికేషన్ ప్రకటించింది. ఆసక్తిగల అభ్యర్దులు వెంటనే తమ దరఖాస్తులను పంపించవల్సిందిగా కంపెనీ తెలిపింది.. పూర్తి వివరాల్లోకి వెళ్తే.. * మొత్తం ఖాళీల సంఖ్య – 300 * ఎస్సీ -43, ఎస్టీ – 15, ఓబీసీ – 84, జనరల్ – 158 ఖాళీలు ఉన్నాయి. * గుర్తింపు పొందిన విశ్వవిద్యాలయం నుంచి 2016, అక్టోబర్ 1 నాటికి కనీసం 60 శాతం మార్కులతో (ఎస్సీ, ఎస్టీ, పీహెచ్‌సీలకు 55 శాతం) ఏదైనా బ్యాచిలర్ డిగ్రీ/ పోస్టు గ్రాడ్యుయేట్ డిగ్రీ పాసై ఉండాలి. * వయస్సు: 21 – 30 ఏళ్ల మధ్య ఉండాలి. ఆన్లైన్ లో దరఖాస్తు చేయాలి చివరితేదీ: నవంబర్ 1 ఫేజ్ – 1 ఆన్‌లైన్ ఎగ్జామ్ – 2016,డిసెంబర్ 17 ఫేజ్ – 2 ఆన్‌లైన్ ఎగ్జామ్ (ఆబ్జెక్టివ్ + డిస్క్రిప్టివ్) – 2017, జనవరి మరిన్ని వివరాలకోసం ఈ లింక్ క్లిక్ చెయ్యండి –> HTTP://WWW.NEWINDIA.CO.IN
 
తెలంగాణ నిరుద్యోగులకి గుడ్ న్యూస్. జాబ్స్ జాతర కొనసాగనుంది. ఇప్పటికే గ్రూప్స్ 2 ద్వారా వెయ్యికి పైగా ఉద్యోగాలని భర్తి చేసేందుకు కేసీఆర్ ప్రభుత్వం నోటిఫికేషన్ జారీ చేసిన విషయం తెలిసిందే. ఇందుకు సంబంధించిన పరీక్షలు నవంబర్ లో జరగనున్నాయి. అయితే, దసరా నుంచి కొత్తగా రూపుదిద్దుకొన్న 31జిల్లాల తెలంగాణ అవరాలని తీర్చేందుకు మరింత మంది ఉద్యోగులు అవసరం కానున్నారు. ఈ విషయాన్ని జిల్లాల ఏర్పాటుకు ముందే గ్రహించిన రాష్ట్ర ప్రభుత్వం ఆ దిశగా చర్యలు కూడా ప్రారంభించింది. అన్ని విభాగాల్లో కలిపి దాదాపు 4,077 పోస్టుల భర్తీకి సిద్ధమైంది. దీనికి రాష్ట్ర ప్రభుత్వం కూడా వెంటనే ఆమోదం తెలిపింది. ఇందులో ఎక్కువగా రెవెన్యూ, పోలీస్ జాబ్స్ ఎక్కువగా ఉన్నాయి. శాఖల వారీగా భర్తీ చేచేయనున్న పోస్టుల వివరాలు : * రెవెన్యూ – 2,109 * పోలీస్ – 1,800 * పాఠశాల విద్య – 85 * అగ్నిమాపక విభాగం – 54 * వ్యవసాయ శాఖ – 25 * ఆర్ అండ్ బీ – 4 ‘ఆర్ఆర్ బి ‘ లో భారీగా ఉద్యోగాలు.. RRB-Jobsనిరుద్యోగులకు తీపి కబురు తెలిపింది రైల్వే రిక్రూట్ మెంట్ బోర్డ్(RRB). అతి త్వరలోనే 23,801 ఉద్యోగాలకు నోటిఫికేషన్ రానుందని వార్త చెప్పి అందరికి సంతోషాన్ని కలుగచేసింది. ఈ నోటిఫికేషన్ ద్వారా 2017లో అసిస్టెంట్ లోకో పైలట్, టెక్నీషియన్ ఖాళీలను భర్తీ చేయనున్నట్లు తెలుస్తుంది. వీటి కోసం నవంబర్ 15 నుంచి ఆన్ లైన్ లో దరఖాస్తు స్వీకరించనున్నారు. రాత పరీక్ష వచ్చే ఏడాది జనవరి లేదా మార్చిలో ఉంటుందని తెలుస్తుంది. దేశవ్యాప్తంగా నిర్వహిస్తున్న ఆర్ ఆర్ బీ రిక్రూట్ మెంట్ లలో భాగంగా సికింద్రాబాద్ డివిజన్ లో 3210 ఉద్యోగ ఖాళీలు ఉండడం విశేషం. పూర్తి వివరాలు.. మొత్తం పోస్టులు: 23,801 సికింద్రాబాద్ జోన్ ఖాళీలు: 3210 ఆన్ లైన్ లో ధరఖాస్తు మొదలు: 15-11-2016 (అంచనా) చివరి తేది: 01-12-2016 (అంచనా) రాత పరీక్ష: జనవరి లేదా మార్చి 2017 (అంచనా)
 
ఐవోసీఎల్ జాబ్స్ మేళ… ఇండియాలోని ఫార్చూన్ గ్లోబల్ 500 కంపెనీల్లో అతిపెద్ద వాణిజ్య సంస్థ అయినా ఇండియన్ ఆయిల్ కార్పొరేషన్ లిమిటెడ్ (ఐవోసీఎల్) లో ఖాళీగా ఉన్న పోస్టులకు గాను జాబ్స్ మేళ ప్రకటించింది. మధుర రిఫైనరీ విభాగంలో ఖాళీగా ఉన్న వివిధ నాన్ ఎగ్జిక్యూటివ్ (జూనియర్ ఇంజినీరింగ్ అసిస్టెంట్ ) పోస్టుల భర్తీకి అర్హులైన అభ్యర్థుల నుంచి దరఖాస్తులను తీసుకుంటుంది. మొత్తం 100 పోస్టులకు గాను ఈ ప్రకటన తెలిపింది.. జూనియర్ ఇంజినీరింగ్ అసిస్టెంట్ (ప్రొడక్షన్)-34 పోస్టులు (జనరల్-17, ఓబీసీ-8, ఎస్సీ-8, ఎస్టీ-1) అర్హత: కెమికల్/రిఫైనరీ పెట్రోకెమికల్ ఇంజినీరింగ్‌లో మూడేండ్ల డిప్లొమా లేదా బీఎస్సీ (ఫిజిక్స్, మ్యాథమెటిక్స్, కెమిస్ట్రీ/ఇండస్ట్రియల్ కెమిస్ట్రీ)లో 50 శాతం (ఎస్సీ,ఎస్టీ అభ్యర్థులు 45 శాతం) మార్కులతో ఉత్తీర్ణత. సంబంధిత రంగంలో ఏడాదిపాటు అనుభవం ఉండాలి జూనియర్ ఇంజినీరింగ్ అసిస్టెంట్ (పవర్ అండ్ యుటిలిటీ)-10 పోస్టులు (జనరల్-5, ఓబీసీ-3, ఎస్సీ-2) అర్హత: ఎలక్ట్రికల్/మెకానికల్ ఇంజినీరింగ్‌లో మూడేండ్ల డిప్లొమా ఉత్తీర్ణత లేదా మెట్రిక్యులేషన్‌తోపాటు ఐటీఐ ఫిట్టర్, బీఎస్సీ (పీసీఎం)లో ఉత్తీర్ణత. సంబంధిత విభాగంలో అనుభవం ఉండాలి. జూనియర్ ఇంజినీరింగ్ అసిస్టెంట్ (ఎలక్ట్రికల్)-22 పోస్టులు (జనరల్-11, ఓబీసీ-6, ఎస్సీ-5) అర్హత: ఎలక్ట్రికల్ ఇంజినీరింగ్‌లో 50 శాతం (ఎస్సీ,ఎస్టీ అభ్యర్థులు 45 శాతం) మార్కులతో మూడేండ్ల డిప్లొమా ఉత్తీర్ణత. సంబంధిత రంగంలో ఏడాదిపాటు అనుభవం ఉండాలి జూనియర్ ఇంజినీరింగ్ అసిస్టెంట్ (మెకానికల్)-17 పోస్టులు (జనరల్-9, ఓబీసీ-5, ఎస్సీ-3) అర్హత: మెకానికల్ ఇంజినీరింగ్‌లో 50 శాతం (ఎస్సీ, ఎస్టీ అభ్యర్థులు 45 శాతం) మార్కులతో మూడేండ్ల డిప్లొమా ఉత్తీర్ణత. సంబంధిత రంగంలో ఏడాదిపాటు అనుభవం ఉండాలి జూనియర్ ఇంజినీరింగ్ అసిస్టెంట్ (ఇన్‌స్ట్రుమెంటేషన్)-11 పోస్టులు (జనరల్-6, ఓబీసీ-3, ఎస్సీ-2) అర్హత: ఇన్‌స్ట్రుమెంటేషన్, ఇన్‌స్ట్రుమెంటేషన్ అండ్ ఎలక్ట్రానిక్స్, ఇన్‌స్ట్రుమెంటేషన్ అండ్ కంట్రోల్ ఇంజినీరింగ్‌లో 50 శాతం (ఎస్సీ, ఎస్టీ అభ్యర్థులు 45 శాతం) మార్కులతో మూడేండ్ల డిప్లొమా ఉత్తీర్ణత. సంబంధిత విభాగంలో ఏడాదిపాటు అనుభవం ఉండాలి జూనియర్ ఇంజినీరింగ్ అసిస్టెంట్ (ఫైర్ అండ్ సేఫ్టీ)-6 పోస్టులు (జనరల్-3, ఓబీసీ-2, ఎస్సీ-1) అర్హత: మెట్రిక్యులేషన్ + నాగ్‌పూర్ ఎన్‌ఫ్‌ఎస్సీచే సబ్ ఆఫీసర్స్ కోర్సు లేదా తత్సమాన పరీక్షలో ఉత్తీర్ణత. సంస్థ సూచించిన నమూనాలో ఫిజికల్ కొలతలను కలిగి ఉండాలి. ఫైర్ అండ్ సేఫ్టీలో ఏడాదిపాటు పనిచేసిన అనుభవం ఉండాలి వయస్సు: 2016 సెప్టెంబర్ 30 నాటికి 18 నుంచి 26 ఏండ్ల మధ్య ఉండాలి. ఎస్సీ, ఎస్టీలకు ఐదేండ్లు, ఓబీసీలకు మూడేండ్లు వయోపరిమితిలో సడలింపు ఉంటుంది. అప్లికేషన్ ఫీజు: రూ.150/- ఎస్సీ, ఎస్టీ, ఎక్స్ సర్వీస్‌మెన్ అభ్యర్థులకు ఫీజు లేదు పే స్కేల్ : రూ..11,900-32,000/- అభ్యర్థులు రాత పరీక్షలో సంస్థ నిర్ణయించిన కనీస అర్హత మార్కులను సాధించాలి. దరఖాస్తు: ఆన్‌లైన్ ద్వారా. ఆన్‌లైన్ రిజిస్ట్రేషన్‌కు చివరి తేదీ: అక్టోబర్ 22 మరిన్ని వివరాల కోసం ఈ లింక్ క్లిక్ చెయ్యండి – WWW.IOCL.COM 4 వేల పోస్టులకు ఏపీ గ్రీన్ సిగ్నల్.. ఇప్పటికే వివిధ శాఖల్లో ఉన్న ఖాళీ పోస్టులను భర్తీ చేసిన ఏపీ సర్కార్.. తాజాగా ఏపీపీఎస్సీ ద్వారా సుమారు 4 వేల పోస్టుల భర్తీకి గ్రీన్ సిగ్నల్ ఇచ్చింది. దీనికి సంబంధించిన నోటిఫికేషన్ ను త్వరలోనే ప్రకటన చేస్తామని ఏపీపీఎస్సీ ఛైర్మన్ పి. ఉదయ్‌భాస్కర్ తెలిపారు. ఆరు నెలల్లోపు పోస్టుల భర్తీ ప్రక్రియ పూర్తి చేస్తామని వెల్లడించారు. ఈ సారి ఎగ్జామ్స్ లో బయోమెట్రిక్ విధానాన్ని ప్రవేశ పెడుతూ, ప్రతిపరీక్ష హాల్‌లో సిసి కెమెరాలు ఏర్పటు చేస్తామని తెలిపారు. ఈ పరీక్షల ద్వారా వివిధ శాఖల్లో ఖాళీగా ఉన్న 9 రకాల ఉగ్యోగాలను భర్తీ చేస్తామన్నారు. అలాగే గ్రూప్ -1, గ్రూప్ -2 పోస్టులను కూడా భర్తీ చేసే అంశంపై కసరత్తు చేస్తున్నట్లు తెలిపారు.