news
 
Latest News   
 
1
విద్యార్థి శక్తిపై కేసీఆర్‌ దృష్టి .
మద్దతు సమీకరణకు వ్యూహం టీఆర్‌ఎస్‌వీలో పెద్దఎత్తున సభ్యత్వ నమోదు మంత్రి కేటీఆర్‌కు బాధ్యతలు: సీఎం నిర్ణయం హైదరాబాద్‌: రాష్ట్రంలో ఉన్నత విద్యను అభ్యసిస్తున్న లక్షలాది మంది విద్యార్థులను పార్టీకి, ప్రభుత్వానికి మద్దతుగా నిలిపేందుకు తెరాస అధినేత, ముఖ్యమంత్రి కేసీఆర్‌ ప్రత్యేక వ్యూహరచన చేస్తున్నారు. విద్యార్థి శక్తిని వినియోగించుకోవడం ద్వారా ప్రభుత్వ, పార్టీ కార్యక్రమాలను ఆయా కుటుంబాలకు కూడా చేరువ చేయవచ్చన్నది గులాబీ దళపతి వ్యూహం. తెలంగాణ రాష్ట్ర సమితికి, ప్రభుత్వానికి మద్దతుగా.. విశ్వవిద్యాలయాలు, ఉన్నత విద్యాసంస్థల్లోని విద్యార్థులను పార్టీ అనుబంధ విభాగమైన టీఆర్‌ఎస్వీలో సభ్యులుగా చేర్చాలని యోచిస్తున్నారు. వారిని పార్టీ, ప్రభుత్వ అభివృద్ధి, సంక్షేమ కార్యక్రమాల్లో భాగస్వాములను చేయాలన్నది తెరాస ప్రణాళికగా కనిపిస్తోంది. వచ్చే ఎన్నికల నాటికి వారిని ప్రబలశక్తిగా మార్చాలని సీఎం సంకల్పించారు. పరిశ్రమల శాఖ మంత్రి కేటీఆర్‌, శాసనమండలి విప్‌ పల్లా రాజేశ్వర్‌రెడ్డిలకు ఈ బాధ్యతలను అప్పగించారు. తెరాస విద్యార్థి విభాగం బలోపేతం: తెలంగాణలోని ఉన్నత విద్యాసంస్థల్లో 30 లక్షల మందికి పైగా విద్యార్థులున్నారు. విద్యాపరంగానే గాక వారిలో సామాజిక చైతన్యం కలిగించడం, పార్టీకి, ప్రభుత్వానికి అనుసంధానం చేయాలనే లక్ష్యాలను అమలు చేయాలని కేసీఆర్‌ భావిస్తున్నట్లు తెలిసింది. దీనికోసం తెరాస విద్యార్థి విభాగాన్ని బలోపేతం చేశారు. 132 మందితో పార్టీ రాష్ట్ర కమిటీని నియమించారు. పార్టీకి, ప్రభుత్వానికి అనుకూలంగా విద్యార్థులను మార్చేందుకు వీలుగా ప్రత్యేక కార్యాచరణను రూపొందించారు. మంత్రి కేటీఆర్‌, విప్‌ పల్లా రాజేశ్వర్‌రెడ్డితో సీఎం కేసీఆర్‌ సుదీర్ఘ మంతనాలు జరిపి కార్యాచరణను ఖరారు చేశారు. విద్యార్థులను సమీకరిస్తే వారి కుటుంబాలు సైతం పార్టీకి అనుకూలంగా మారతాయని, గ్రామాలు, పట్టణాల్లోనూ ప్రభుత్వానికి అన్ని విధాల అనుకూలతలు ఉంటాయని కేసీఆర్‌ భావిస్తున్నట్లు తెలిసింది. ఏం చేస్తారు * ప్రతి విశ్వవిద్యాలయం, ఉన్నత విద్యాసంస్థలో తెరాస విద్యార్థి విభాగం ద్వారా పెద్దఎత్తున సభ్యత్వ నమోదు చేపడతారు.టీఆర్‌ఎస్వీ ప్రతినిధులు దీనిని నిర్వహిస్తారు. * అనంతరం విశ్వవిద్యాలయాల వారీగా సమావేశాలు జరిపి, స్థానిక కమిటీలను నియమిస్తారు. * తర్వాత నియోజకవర్గ స్థాయిలో ఎమ్మెల్యేలు, పార్టీ బాధ్యుల అధ్యక్షతన సమావేశాలు జరిపి, విద్యార్థులకు దిశానిర్దేశం చేస్తారు. అనంతరం జిల్లా స్థాయిలో, తర్వాత రాష్ట్ర స్థాయిలో సమ్మేళనాలు నిర్వహిస్తారు. * నియోజకవర్గ, జిల్లా స్థాయి సమావేశాలకు కేటీఆర్‌ హాజరవుతారు. పల్లా రాజేశ్వర్‌రెడ్డి సమావేశాల నిర్వహణ, సమన్వయ బాధ్యతలు చేపడతారు. కేసీఆర్‌ సైతం..: వారంరోజుల్లో ఈ ప్రణాళికను ప్రారంభిస్తారు. ముఖ్యమంత్రి కేసీఆర్‌ సైతం విద్యార్థుల ముఖాముఖిలో పాల్గొనే అవకాశం ఉంది. తమ కార్యాచరణకు అనుగుణంగా పార్టీ శ్రేణులను సైతం కేసీఆర్‌ అప్రమత్తం చేయనున్నారని తెలిసింది.
Published on Wednesday, August 16, 2017

 

First Previous 1 Next Last 
 
   
Rewards Achiever List  
 
Top Achiever List  
 
PRIMA
vijayawada
SUCCESS
SUCCESS
SUCCESS
SUCCESS
SUCCESS
TMAHALAXMI
VUDIMUDI SRINIVASARAO
SVIJAYA LAXMI
LONKALA VINEEL
KARIMNAGAR